Di grischun da jodlar a Tavau - «Joodaa duuuuli» – fascinaziun tar giuven e vegl - Novitads

Di grischun da jodlar a Tavau «Joodaa duuuuli» – fascinaziun tar giuven e vegl

Chant, vestgids tradiziunals ed atmosfera da festa – las jodladras ed ils jodladers èn sa scuntrads a Tavau. La gronda part era glieud pli veglia, ma igl ha bain era dà giuvnas e giuvens ch'èn sa participads a la festa ed han jodlà cun lur chors.

Autur: Pietro Jacomet

Al 45avel di da jodlar grischun a Tavau èn differentas gruppaziuns sa preschentadas. La festa ha gì lieu per la terza giada suenter 1998 e 2006 a Tavau. En il center è propi il s'entupar da las jodladras ed ils jodladers grischuns stà ed i n'ha uschia dà nagina concurrenza tranter ils differents chors.

Erwin e Sep Dannacher – jodlar dapi anno tubac

In dals chors che han jodlà a Tavau è l'Älplerchörli Vaz. Il chor ha radund 25 commembers e stat sut la batgetta da la dirigenta Hany Küttel. Tranter ils jodladers sa chattan era ils dus frars rumantschs Erwin e Giusep «Sep» Dannacher. Els jodleschan gia passa 30 onns en il chor ed èn anc adina fascinads da la tradiziun dal jodlar.

audio

Ils dus frars Dannacher al di da jodlar GR

ord Actualitad dals 07.07.2019.

laschar ir. Durada: 4 minutas 7 Secundas.

Giusep «Sep» Dannacher durant chantar en.

Jodlar fascinescha er giuvnas e giuvens

Igl è bain in zichel in clisché che jodlar è be insatge per glieud pli veglia. Schegea ch'ins po dir che la gronda part dals participants dal di da jodlar grischun a Tavau eran plitost d'ina auta vegliadetgna; i dat bain era giuvna glieud ch'è fascinada dal chantar tradiziunal.

Ina da quellas giuvnas persunas è Carla Planta. La giuvna da 23 onns chanta en il chor da jodladers da l'Engiadin'Ota e jodlescha gia dapi passa in decenni.

Tge che fascinescha ella specialmain vi dal jodlar udis Vus qua: