Acturas, acturs, chantaduras, chantaduras ed autras persunas che lavuran en il sectur da cultura, han ditg: Finalmain puspè pudair far producziuns e concerts. Malgrà las mesiras da restricziun èn René Schnoz e ses team leds da pudair far emprovas da teater cun perspectivas dad era pudair manar si il toc.
Igl è in super sentiment da finalmain avair ina perspectiva.
Bunamain quatter mais emprovas senza persepctivas
René Schnoz che fa reschia e gioga er en ses agen toc, «die Niere», duas acturas ed in auter actur èn dapi il schaner vid exercitar la cumedia, ch'è vegnida scritta da l'Austriac Stefan Vögel. E quai saja stà in sentiment curius, dad exercitar per in toc ch’ins na saveva ditg betg sch'ins po manar si el.
Ins sa dumonda: Rendi insumma da far emprovas, rendi d’emprender ordadora il text? Ed uss savain nus: I renda e nus avain ina finamira, fin il zercladur stuain nus esser pronts.
Premiera svizra il zercladur
Il zercladur è la premiera dal toc «die Niere» en la Klibühni a Cuira. Vitiers èsi dentant er ina premiera svizra, perquai che nagina gruppa da teater ha fin uss inscenà quest toc en Svizra.
Quai è super, perquai che nagin ha vis il toc fin uss. Quai è schon in zichel in'onur che nus avain survegnì la lubientscha da far quai toc.
