La cussegliera guvernativa Carmelia Maissen dovra in nov secretari general. Christian Tannò ha bandunà il Departament per infrastructura, energia e mobilitad, quai però gia la fin da favrer. Sco quai ch'il departament ha ditg sin dumonda da la FMR sajan ins sa decidì da sa separar da Tannò. Quai pervia da differentas opiniuns en connex cun exequir las incumbensas. Tannò ch'è oriund dad Alvaschagn era dapi l'avrigl 2021 en uffizi. Ad interim ha Orlando Nigg, ch'è substitut dal secretari general surpiglià il post. Tenor indicaziuns dal departament vegn la plazza da secretari general publitgada las proximas emnas.