Per tgi che scriva texts rumantschs sin il computer datti entant uss er il program da correctura per puter, rumantsch grischun e vallader. Suenter il sutsilvan ed il surmiran funcziuna l'uschenumnà spellchecker uss er per ils trais ulteriurs idioms, quai communitgeschan la Lia rumantscha e la Pro Svizra Rumantscha che creeschan ils programs da correctura.
La versiun sursilvana dal spellchecker dura pli ditg perquai che las datas dal vocabulari ston l'emprim anc vegnir adattadas a la furma dal pledari grond. La publicaziun è planisada per l'onn che vegn.
Ina via d'installar il program è da nizzegiar il web-browser da Firefox e tschertgar en ils add-ons l'idiom u Rumantsch Grischun u nizzegiar la pagina dal pledari grond .