Ils da Sursaissa èn auters ed els tunan auter ch’il rest da la Surselva. Sursaissa è ina enclava cun in agen caracter, ed in agen dialect. Ed els èn adina puspè vegnids disfamads da na savair chantar. Cudeschs da chanzuns u perfin plattas cun musica en «Obersàxer Titsch» na datti betg. Nagins! Danunder deriva questa malsegirezza en las atgnas abilitads?
Valentin Alig ch’è creschids si en l’aclaun Axenstein è l’emprim da Sursaissa che fa musica ed ha schizunt producì ina platta en ses dialect mamma. Musica da folk e country en «Obersàxer Titsch». Ina maschaida cun in sound dal tuttafatg unic! E la cumprova che la fama e mo ina fama.