Actualmain èn en il Grischun 1'702 persunas senza lavur. Cumpareglià cun il mais d'avrigl è quai ina reducziun da 374 persunas. Ultra da quai han ins registrà 1'111 persunas che tschertgan lavur, èn dentant betg senza lavur. Quai èn persunas che prendan part ad ina furmaziun supplementara u ad ina mesira d'occupaziun. Pia han il matg totalmain 2'813 persunas tschertgà lavur.
Restauraziun avant interpresas da construcziun
Da quellas 1'702 persunas senza lavur èn 855 dunnas ed 847 umens. La pli gronda quota da dischoccupads ha la restauraziun (722), interpresas da construcziun (144), commerzi en detagl (102) sco era il sectur da la sanadad e socialesser (89).
Dischoccupaziun en Svizra
La quota da dischoccupaziun svizra è sa sbassada il matg 2018 sin in punct uschè bass sco dapi onns betg pli. Il mument giascha ella tar 2,4%, suenter ch'ella è stada l'avrigl sin 2,7%. Cun quai procura la buna situaziun economica er per schlantsch sin il martgà da lavur.
RR novitads 08.30
