Siglir tar il cuntegn

Header

cuntegn

Dischoccupaziun favrer Dischoccupaziun vinavant bassa

Il dumber da persunas dischoccupadas en il Grischun è sa sminuì per 105 il favrer cumpareglià cun il schaner. Cun 1'152 dischoccupads è la quota da dischoccupaziun tar 1,1% en Grischun, sco l'Uffizi per industria, mastergn e lavur scriva.

Ulteriuras 981 persunas fan part a mesiras d'occupaziun e scolaziun u che dovran servetschs dals centers regiunal per intermediaziun da lavur (RAV) per chattar lavur, ma na retschaivan betg sustegn finanzial. Ellas valan sco persunas en tschertga da lavur betg dischoccupadas.

En l'entira Svizra è la quota da dischoccupaziun era sa reducida il favrer sin 2,1%. Il schaner era la quota anc tar 2,2%, sco il Secretariat da stadi per l'economia Seco communitgescha.

RTR novitads 08:00

Artitgels legids il pli savens