Siglir tar il cuntegn

Header

cuntegn

Dischoccupaziun il november Dapli persunas senza lavur en il Grischun e la Svizra

En il Grischun èn 1’252 persunas stadas senza lavur il november – 162 dapli ch’anc l’october, scriva l'Uffizi per industria, mastergn e lavur dal Grischun. La quota da dischoccupaziun è stada sin 1,2% – 0,2% dapli ch'il mais avant.

Latiers vegnan anc 854 persunas che fan part a mesiras d'occupaziun e scolaziun u che dovran servetschs dals centers regiunal per intermediaziun da lavur (RAV) per chattar lavur, ma na retschaivan betg sustegn finanzial. Ellas valan sco persunas en tschertga da lavur betg dischoccupadas.

Il motiv per l’augment da la dischoccupaziun saja cunzunt la fin da la stagiun da stad ed atun en il turissem e per part er gia da la branscha da construcziun. Uschia èn la gastronomia e l'hotellaria er cleramain il sectur cun ils pli blers dischoccupads e dischoccupadas (512).

Dapli dischoccupaziun en tut la Svizra

La quota naziunala da dischoccupaziun è creschida è stada il november sin 2%, quai èn 0,1% dapli ch'il mais avant. En tut èn vegnids registrads 91'327 dischoccupads e dischoccupadas. La quota da dischoccupaziun resta dentant 0,5% pli bassa ch'en il medem mais dal 2021.

audio
Per tadlar: las novitads da las 08:00
ord RTR Audio dals 07.12.2022.
laschar ir. Durada: 2 minutas 34 Secundas.

RTR novitads 08:00

Artitgels legids il pli savens

Scrollar a sanestra Scrollar a dretga