En il Grischun è il dumber da las persunas senza lavur danovamain ì enavos il zercladur. Cumpareglià cun il matg eran 331 persunas damain dischoccupadas, quai cun in dumber da 861.
La quota da dischoccupaziun è il mument tar 0,8%, co quai che l'Uffizi per industria e mastergn dal chantun communitgescha.
En l'entira Svizra è il dumber da dischoccupads restà stabil il zercladur. Tenor las retschertgas dal Secretariat da stadi per l'economia (SECO) eran la fin da zercladur 2024 104'518 persunas dischoccupadas, 947 main ch'il mais avant. Cumpareglià cun il mais avant è la quota da las persunas senza lavur restada tar 2,3%. En cumparegliaziun cun il mais da l'onn 2023 è la dischoccupaziun s'augmentada per 19'419 persunas (+22.8%).
