Blers eran sa radunads sin il Lucmagn per la ceremonia militara, ina ceremonia ch'è vegnida manada atras cun marschs, l'imni naziunal e pleds per tudestg, rumantsch e talian. La Divisiun territoriala 3 è la suletta divisiun trilingua e cun la pensiun da Lucas Caduff perda il militar in da ses aults da la lingua rumantscha. Tant pli ha ses successur Maurizio Dattrino punctuà ch'il rumantsch vegnia era en avegnir a survegnir da stima duida. Lucas Caduff che va la fin da fanadur en pensiun, ha da sia vart punctuà ch'el haja adina tschertgà in stretg contact cun tuts represchentads.
Jau hai gugent la glieud e tract pulit direct schuldada ubain er uffiziers, emprov da chattar schliaziuns communablas, quai è segir ina DNA da nossa divisiun.
Lucas Caduff ha punctuà cun luschezza da surdar a ses successur ina divisiun sauna. Malgrà ch'el sa legria sin dapli temp per la famiglia, vegnia il ravugl d'enconuschents en il militar a mancar ad el.
Or da l'archiv: