La giurista Ramona Pedretti daventa derschadra a la Dretgira administrativa dal Grischun. Il Cussegl grond ha elegì ella cun 105 vuschs. Ramona Pedretti è oriunda da Brusio - è dentant creschida si a Cuira. Sco nudadra ha ella fatg part a campiunadis mundias ed olimpics ed è vegnida onurada l'onn 2003 sco sportista grischuna. Actualmain lavura ella sco giurista tar il Departament federal per fatgs da l’exteriur a Berna e returna pia en sia patria:
La socialdemocrata da 34 onns succeda a Robert Stecher – il sulet derschader rumantsch en quest gremi. En tut èn engaschads 5 derschaders tar la Dretgira administrativa dal Grischun.
RR novitads 09:00