Siglir tar il cuntegn

Header

cuntegn

Dretgira administrativa Refusà recurs da Claustra cunter l'introducziun da tempo 30

La Dretgira administrativa dal chantun Grischun ha refusà il recurs da la vischnanca da Claustra. La vischnanca aveva contestà l'introducziun d'ina zona tempo 30 sin il traject tranter Claustra Plaz e Claustra Vitg. La vischnanca ha ussa 30 dis temp da trair vinavant la sentenzia davant il Tribunal federal.

audio
Per tadlar: curt e cumpact
ord RTR Audio dals 15.03.2023.
laschar ir. Durada: 51 Secundas.

Suprastanza cunter ir davant Tribunal federal

Il cussegl communal vegn a decider tar sia sesida dals 29 da mars sch'el vul trair vinavant il cas, quai scriva la vischnanca en ina communicaziun. La suprastanza communala propona da betg trair vinavant il cas davant Tribunal federal. Examinaziuns giuridicas hajan mussà che las schanzas d'in success fissan fitg pitschnas. La suprastanza haja er gia cusseglià da betg ir davant dretgira administrativa per ils medems motivs.

Apaina che la sentenzia entra en vigur vul l'uffizi da construcziun bassa surdar las lavurs da signalisaziun, hai num en la communicaziun dal Chantun. L'introducziun da tempo 30 fa part dal project da sanaziun cunter la canera per las vias chantunalas e communalas.

RTR novitads 09:00

Artitgels legids il pli savens