Siglir tar il cuntegn

Header

cuntegn

Grischun Dumbraders d'aua u pauschala? Mintgin fa in pau sco el vul

En Svizra custa aua da baiver betg bler. Tranter las vischnancas dal Grischun datti dentant differenzas. Numnadamain co las taxas d'aua vegnan fixadas.

Insaquantas vischnancas han in obligatori per dumbraders d' aua en tut las chasadas. Autras, sco per exempel Madulain, Donat u Falera, mettan a quint ina pauschala per l' aua da baiver.

audio
Mezdi: Vischnancas quintan giu differentamain las taxas d'aua
ord Actualitad dals 27.06.2016.
laschar ir. Durada: 2 minutas 2 Secundas.

Tenor lescha betg diltuttafatg cler

Tenor il manader dal Uffizi per natira ed ambient dal Grischun, Remo Fehr, n'è quai betg daltuttafatg correct. Betg per l' aua da baiver, dentant per l' aua persa stuess'ins numnadamain pajar tenor diever. «Dapi 1997 èsi fixà en la lescha per la protecziun da las auas, ch' ins sto incassar las taxas per aua persa tenor il diever», di Fehr. Per mesirar il diever stuvess ins pia installar in dumbrader d' aua. Tuttina ha il Tribunal federal decis en plirs cass ch' il diever possia er vegni mesirà cun autras metodas. Sche dumbrader d'aua u pauschala - tenor la lescha n'è la situaziun betg daltuttafatg clera.

RR actualitad mezdi

Artitgels legids il pli savens