Grischun - Dus giuvens rumantschs a la concurrenza svizra SSQW
La fin d'emna dals 13 e 14 d'avrigl ha la Brass Band Sursilvana organisà la 45avla ediziun da la concurrenza svizra per solists e quartets a Cuira. Tranter ils radund 160 participants han dus rumantschs fatg furora.
Tranter ils 27 participants en la categoria cornet dals U13 (sut 13 onns) è er il giuven Simon Gabriel da S-chanf sa preschentà sin la tribuna gronda. El suna dapi passa trais onns trumbetta e cornet. Mintga di exercitescha el pliras giadas a chasa e suna er en differentas furmaziuns (per exempel en la musica da S-chanf u en in Quartet ensemen cun ses frar e dus auters mattatschs).
Tge è il SSQW?
Personen-Box aufklappenPersonen-Box zuklappen
Il SSQW (Schweizerischer Solo- und Quartettwettbewerb) è ina concurrenza svizra per solists e quartetts da brass e percussiun. Quest onn ha la concurrenza per l'emprima giada – durant sia istorgia da 45 onns – gì lieu a Cuira . Tant creschids, sco er uffants e giuvenils èn sa participads en differentas categorias da vegliadetgna.
Sigl en il final
Tar la concurrenza svizra SSQW ha Simon sunà in toc da Friedrich Dionys Weber cun il titel «Variaziuns per trumbetta en F». Il giuven da diesch onns ha pudì persvader la giuria e l'auditori cun ses tuns sonors e sia preschientscha sin tribuna. L'applaus suenter ses toc è stà immens grond ed el ha cuntanschì il final dals megliers tschintg. La fin finala è el vegnì tschintgavel ed è stà fitg cuntent cun quest resultat.
Maletg
1 / 5
Legenda:
Sin la tribuna gronda: Simon persvada tras a tras ed è cuntent cun sia prestaziun. L'applaus da l'auditori è immens dad aut.
RTR, Pietro Jacomet
Maletg
2 / 5
Legenda:
Simon prenda in buccal a chasa – cun quai n'ha el betg quintà.
RTR, Flavio Tuor
Maletg
3 / 5
Legenda:
Simon è vid sunar en avant ses geniturs – el sa senta segir.
RTR, Flavio Tuor
Maletg
4 / 5
Legenda:
Il giuven da 10 onns suna mintgadi cun ses cornet.
RTR, Flavio Tuor
Maletg
5 / 5
Legenda:
Ils tschintg megliers svizzers da la concurrenza U13.
RTR, Pietro Jacomet
La producziun da Simon Gabriel en il final
Grond success per percussiunist Laurin Caprez
L'auter rumantsch ch'ha fatg part a la concurrenza Svizra en la categoria da percussiun è il giuven da 12 onns Laurin Caprez. El stat a Lucerna, ses geniturs vegnan dentant da Trin e Rabius. Cun sia preschentaziun dal toc «Rain Dance» (cumponì dad Alice Gomez e Marilyn Rife) cun l'instrument marimbafon, ha el cuntanschì il segund plaz ed è cunquai daventà vicecampiun svizzer.
Sin la dumonda sch'el na saja betg stà gnervus da sa preschentar avant uschè in auditori ha el respundì:
Legenda:
Laurin Caprez en acziun cun ses marimbafon.
RTR, Flavio Tuor
Maletg
2 / 2
Legenda:
Laurin Caprez cun dus buccals. Cun daventar vicecampiun svizzer ha el medemamain gudagnà il titel en sia categoria sco scolar.
RTR, Flavio Tuor
