Siglir tar il cuntegn

Header

audio
Saira: Festa da Cuira po festivar giubileum da 30 onns
Or da Actualitad dals 26.06.2019.
laschar ir. Durada: 2 minutas 46 Secundas.
cuntegn

Ediziun da giubileum 30 onns festa da Cuira

La festa da Cuira tutga entant tar la pli gronda festa da via en la regiun. Durant ils trais dis da festa ha quella carmalà ils ultims onns fin 80'000 visitadras e visitaders. Entant è er il program da festa da quest onn enconuschent. Grondas midadas na datti però betg.

Quest onn èn s'annunziadas 60 uniuns, quatter da quellas gia per la 30avla giada. Sco gia ils ultims onns vegni puspè vendì il «churer bändel». Uschia duai vegnir cuvert in tant dals custs. Pertge er sche la festa attira adina blera glieud ha quella da cumbatter cun problems finanzials.

«Village da giubileum»

Ils daners dals bindels vegnan surtut duvrads per la purschida musicala. Ils highlights da quest onn èn tranter auter Kaufmann, Crimer u er Damian Lynn.

Per il 30avel vegn la plazza da la Posta transfurmada èn in «village da giubileum». I vegnia ad esser in lieu da giudair e star pacific, hai num en la communicaziun.

La festa da Cuira è dals 16. fin ils 18. d'avust.

RR actualitad 17:00

Artitgels legids il pli savens