-
Bild 1 von 2. Mario Cavigelli avant ch'ir sin il plazzal da la Sinergia. Bildquelle: RTR, Prisca Bundi .
-
Bild 2 von 2. Montar il microfon per l'intervista. Bildquelle: RTR, Prisca Bundi .
Mario Cavigelli è creschì si a Domat, ha dentant era ragischs en Surselva, el è burgais da Siat. A Domat ed a Cuira ha el fatg las scolas, avant ch'el è ì a studegiar giurisprudenza a la scol'auta da Son Gagl ed a l'universitad da Friburg. Silsuenter ha el lura lavurà sco advocat. La politica ha dentant sco giuvenot giugà ina impurtanta rolla: El è in dals fundaturs da la PCD giuvna dal Grischun ed è lura daventà suprastant a Domat e silsuenter deputà en il Cussegl grond. Il 2010 è el vegnì elegì sco cusseglier guvernativ.
Detectiv u policist? Forsa meglier betg...
Sco buobet vuleva Mario Cavigelli – sco blers uffants – daventar detectiv u policist. Oz dentant smirveglia el da quels giavischs, quai giess numnadamain insumma betg a prà cun el. El saja plitost in analiticher, el saja in tip che giaja gugent a la tschertga da schliaziuns. Dentant pateschia el in zic dal fatg ch'el saja in tip fitg exact, cun ils pleds da Mario Cavigelli in «Bünzli». Sch'i manchia insanua ina comma en in text, lura saja anc ina giada da squitschar tut.
L'istorgia fascinescha
En sias vacanzas prenda Mario Cavigelli gugent patgific: Ensolver en ruaus, leger in zic, il pli gugent cudeschs istorics, per exempel sur dals Germans, mangiar bain e giudair la cumpagnia da ses uffants.