Siglir tar il cuntegn

Grischun Elecziuns 2015 - Nagins candidats da l'Engiadina Bassa

Cun guardar sin las glistas da las partidas croda en egl, ch’i dat nagin candidat da l'Engiadina Bassa per las elecziuns dal Cussegl naziunal.

Placat cun candidats grischuns da la PBD.
Legenda: Gnanc la PBD, la pli ferma partida en Engiadina Bassa, ha chattà in candidat valabel. Keystone

Gnanc la PBD, la pli ferma partida en Engiadina Bassa, ha chattà in candidat valabel ch'è sa mess a disposiziun, uschia Peder Caviezel il president da la PBD Engiadina Bassa. Pertge che quai è uschia, n’ha el però betg pudì respunder.

Duri Campell represchenta er l'Engiadina Bassa.
Autur: Peder Caviezelpresident da la PBD

Cun Duri Campell hajan ins dentant in fitg bun candidat da l‘Engiadin’Ota che represchentia er l'Engiadina Bassa. Ma er las autras partidas n'han nagins candidats da l’Engiadina Bassa sin lur glistas.

Uschia er betg la PPS ch’aveva avant quatter onns anc tschentà in. Els hajan bain chattà candidats valabels, quels n’hajan però betg vulì sa metter a disposiziun, uschia la secretaria da la PPS Valerie Favre Accola.