Sper el van be ils cussegliers dals chantuns actuals, Stefan Engler (AdC) e Martin Schmid (PLD) en la cursa. Cun sia candidatura veglia Hans Vetsch da dar ina schelta a la populaziun, di el.
Sco architect enconuschia el las sfidas e schanzas da las regiuns dal Grischun, di il candidat senza partida. Las elecziuns èn ils 22 d'october.
Gia ina giada candidat selvadi
Il 2022 ha l'um da Grüsch er gia candidà per in sez en la regenza chantunala. Er da quel temp ha el fatg quai per engrondir la selecziun. Da quel temp ha el survegnì 3'500 vuschs - ed era cun quai sin il davos plaz (maioritad absoluta tar passa 17'000 vuschs). Sco congual: Auters candidats independents avevan fatg dapli vuschs (Linard Bardill: 12'000 l'onn 2018; Christian Brosi 7'700 l'onn 2010))
Era candidat per Cussegl naziunal
Hans Vetsch candidescha er per il Cussegl naziunal. El è sin la glista «Grischuns libers ed independents». Quella glista ha fatg ina colliaziun da glista cun la PS, Verda e Verdliberals.
