Emplenids 40% - Lais da serra han dapli aua ch'en media - Novitads

Emplenids 40% Lais da serra han dapli aua ch'en media

En il Grischun èn ils lais da fermada actualmain emplenids per dapli che 40%. Quai è cleramain dapli che la media da plirs onns.

Autur: SRF / RTR

Il lai da fermada Zervreila a Val è emplenì per dapli che 40%. Ina raschun è ch’ins ha duvrà pli pauca aua per far forza electrica perquai che l’enviern è stà chaud. Quai han ils responsabels ditg sin dumonda dal schurnal regiunal dad SRF. Dapli aua hai era en ils lais da fermada sco reserva en cas d’ina eventuala mancanza d’electricitad. Quai è era il cas tar il lai da fermada Lago di Lei tranter Avers e l’Italia ch’è emplenì per la mesadad.

Il livel d’emplenida dals lais da fermada è impurtant per il provediment d’electricitad durant l’enviern. Ussa cumenza il temp nua ch’ils lais da fermada en il Grischun vegnian puspè emplenids. La finamira è in livel d’emplenida d'almain 90% enfin l’atun.

Or da l'archiv