La metoda da recrutar glieud entras emprendissadis è in grond levgiament per Christ-Andri Hassler. Ch'els pon emprender il metier da l'installatur solar entras scolaziuns e curs è in grond avantatg per la fatschenta, dentant er, per ils emprendists e las emprendistas futuras.
Enfin ussa eran nus insatge tranter electricist e tetger
La firma «Hassler Energia», vegn a porscher trais plazzas d'emprendissadi davent da la stad proxima. In contract pudeva gia vegnir suttascrit.
Professiun cun futur
Raschuns per daventar in installatur u ina installatura da solar, da quellas detti ina massa. La branscha da energias regenerablas, cunzunt quella dal solar, è extrem vasta. Uschia datti adina puspè novaziuns ed innovaziuns.
Esser al puls da la midada d'energia, quai è insatge fitg fascinant