Las lavurs principalas dals sanitaris:
- L’emprim agid; salvar vitas è la part principala da la lavur dals sanitaris da salvament.
- Avair quità da persunas che sa chattan tar l’accident è medemamain in pensum impurtant.
- Suenter mintga cas datti ina reflexiun da tuts che han fat cun per mirar tge ch'è stà bun e nua ch'igl ha anc potenzial.
Ils sanitaris da salvament vegnan confruntads da tutt’ura e da tutt’aura ed els na sa mai avant tge che spetga propi. Els vegnan alarmads sut il numer 144. En il Grischun sa chatta la centrala a Cuira. Quella dispona tut ils cas che vegnan en per il chantun tar ils sanitaris da las regiuns. Aifer tschintg minutas ston ils sanitaris seser en l’auto.
audio
Mezdi: Emprim agid – Sanitari da salvament davart experientschas
ord Actualitad dals 03.04.2019.
laschar ir. Durada: 1 minuta 39 Secundas.
Per lavurar si quai ch’els han fat atras na dat i betg in spezial «Care Team». Ils sanitaris da salvament discuteschan mintgamai entaifer il team ils differents cas e reflecteschan uschia quai ch’els han vesì e fat tras. Sche quai na tanscha betg datti er la pussaivladad da contactar medis u psichiaters.
RR actualitad 08:00