Siglir tar il cuntegn

Header

cuntegn

Emprim di da scola Attenziun! Uffants sin via

Quest'emna cumenza per blers uffants en il Grischun la scola e la scolina. La Polizia chantunala avertescha als utilisaders da las vias d'esser pli precaut en vischnancas ed in vischinanza da scolas. Per uffants da scolina e l'emprima classa po il cumportament sin vias cun autos esser insatge nov.

La polizia fa durant las emprimas emnas da scola dapli controllas da tempo sin las vias nua ch'ils uffants pon esser en privel. Sper quai datti era instrucziuns per ils uffants nua che la polizia declera il gist cumportament sin e sper las vias. Per ils automobilists datti anc quatter tips co ch'ins duess charrar sche uffants èn alura da la via u spetgan per traversar la via.

audio
Entschatta da scola: Tips per automobilistAs
ord Actualitad dals 15.08.2022.
laschar ir. Durada: 2 minutas 14 Secundas.
  • Charrar plaun e cun previsiun.
  • Fermar l'auto dal tuttafatg, cura che l'uffant vul traversar la via.
  • Desister da far segns cun il maun, per che l'uffant sa concentrescha sin l'ulteriur traffic.
  • Dar temp a l'uffant per traversar la via e restar ferm cun l'auto fin che l'uffant è da l'autra vart.

RTR actualitad 11:00

Artitgels legids il pli savens