Leticia Semadeni è ina dunna da 91 onns ch'ha vivì en differents pajais sin quest mund. Oz è ella dachasa en Val Poschiavo e creescha adina enavant taila per giavischs da ses clients.
Leticia Semadeni è tessunza, ma betg mo tessunza. Ella colurescha la launa da nursas per ses products a maun cun sias atgnas colurs che creschan in ses iert a Poschiavo.
La creaziun da Leticia Semadeni
-
Bild 1 von 7. La natira in ses iert, in stgazi ritg . Las differentas plantas dattan las colurs da sias stoffas. Bildquelle: RTR.
-
Bild 2 von 7. Sin acla vegn colurà. Leticia Semadeni colurescha la launa sin sia acla durant ils mais d'enviern. Bildquelle: RTR.
-
Bild 3 von 7. Colurar cun flurs ed ervinas. La lavur da colurar è ina scienza per sai. Bildquelle: RTR.
-
Bild 4 von 7. Colurar, ina scienza per sai. Leticia Semadeni colurescha dapi 30 onns sez la launa. Bildquelle: RTR.
-
Bild 5 von 7. In bel brin dal nuscher da l'iert. Il nuscher en il iert da Leticia Semadeni procura per quel bel brin. Bildquelle: RTR.
-
Bild 6 von 7. Taisser durant ils mais d'enviern. Mintga colur è in zichel differenta. Bildquelle: RTR.
-
Bild 7 von 7. Ils products per ils clients. Leticia Semadeni ha ina pitschna schelta dals products en ses dachasa. Bildquelle: RTR.
Bleras flurs, nuschs ed ervinas da ses iert dovra ella per far colur. Uschia dattan per exempel las nuschs da ses nuscher en iert la colur brina per sia launa.
La tessunza viva cun il ritmus da la natira. Cura ch'ina planta è pronta per la racolta, vegn ella pigliada, setgentada e lura duvrada per dar colur.
Durant ils mais da stad racoglia la tessunza las plantas da ses iert a Poschiavo. Durant ils mais d’enviern va ella, ensemen cun ses frar, sin acla sin 1’400 meters sur mar a colurar e taisser la launa. Uschia creescha ella sur enviern differents products ch’ils clients empostan tar ella.
Per Leticia Semadeni n’è quai betg lavur, igl è in crear ed in viver en accord cun la natira.