En il Grischun èn 767 persunas stadas senza lavur il zercladur. Quai èn 360 damain ch’anc il matg. La quota da dischoccupaziun munta a 0,7%, quai ha communitgà l'Uffizi per industria, mastergn e lavur dal Grischun. Er en ils ultims onns è la quota da dischoccupaziun sa diminuida marcantamain l'entschatta da la stad. Las pli bleras persunas èn stadas senza lavur en il sectur da la gastronomia (205), suandà dal sectur social e da sanadad (75).
30 manaschis han survegnì il zercladur indemnisaziuns per lavur reducida en il Grischun, en il matg eran quai 115 manaschis.
Quota da dischoccupaziun en Svizra
Er en l’entira Svizra è il dumber da dischoccupads sa reducì, quai per var 3'000 sin 85'099 da 88'076 en il matg. Quai correspunda ad ina quota da dischoccupaziun da 1,9%.
