Siglir tar il cuntegn

Grischun Èn las Alps vegnidas pli privlusas?

Bovas e crudada da crappa – adina puspè capita insatge er en il Grischun. Èn las Alps forsa vegnidas pli privlusas che pli baud? Geologs ch'èn sa participads al Geoscience-meeting a Tavau dattan resposta.

Èn las Alps ozendi pli privlusas che pli baud?
Legenda: La Greina Èn las Alps ozendi pli privlusas che pli baud? RTR, S. Bundi

Sin la dumonda schebain las Alps èn vegnidas pli privlusas ils ultims onns, dat il geoinschigner a la Scola auta tecnica da Aachen Florian Amann, ch'è sta referent al Geoscience-meeting a Tavau, ina resposta plitost generala:

Las Alps han culms, e nua ch'i ha culms datti scarpas. E cunquai ei instabilitad pussaivla.
Autur: Florian Amanngeoinschigner, Scola auta technica Aachen

Er il fisicher Lorenz Meier da Geopraevent agiunta, che las Alps na sajan forsa betg vegnidas pli privlusas, mabain che la vista dal carstgaun saja sa midada:

Accidents en la natira na vegnan betg pli acceptads tant sco pli baud.
Autur: Lorenz Meierfisicher da Geopraevent

Annette Menzel da la Scola auta tecnica a Minca ha dentant chattà ina decleraziun persuenter, che las Alps – ubain almain ina pitschna zona en las Alps – èn forsa tuttina daventadas in zic pli malsegiras. En lieus nua che la schelira permanenta sdreglia, stoppia la vegetaziun teoreticamain sa mover ensi, per puspè segirar quels lieus, ha ditg Menzel. Consequentamain constatescha Menzel in different tempo dal svilup:

Il guaud na crescha betg uschè svelt sco quai che la midada dal clima dat avant.
Autur: Annette MenzelScola auta tecnica, Minca

RR actualitad 08:00