L'interpresa svedaisa Assa Abloy Group venda sia societad affiliada svizra Cedes cun sedia a Landquart ad ina interpresa tudestga. Il pretsch da cumpra na vegn betg communitgà. La transacziun duaja esser terminada durant il quart quartal da l'onn current.
Il 2015 veva l'interpresa svedaisa cumprà Cedes che producescha sensurs per ascensurs e portas. Actualmain lavuran 320 persunas tar Cedes. L'interpresa ha fatg l'onn passà ina svieuta da radund 51 milliuns euros.
Ord l'archiv
