La gruppa da teater «Theater Jetzt» sut la direcziun da Oliver Kühn, il reschissur ed autur che fa tocs che pertutgan la regiun, preschenta «Fenice. Poschiavo». I va per in inschigner, ina embalsamadra, ina proprietaria dad ina chasa da vacanzas, ina commerzianta ed in conspiraziunist e tschintg persunas inventadas ch'èn viagiadas enavos en il temp.
Cura ch'i dat ina crisa datti er in temp per recrear.
En il temp che las persunas èn viagiadas, han ellas vesì bleras catastrofas e crisas. Ma ellas s'han tuttas recreadas, uschia sco il Puschlav suenter ils donns da l’inundaziun als 18 e 19 da fanadur 1987. Il teater è per talian e tudestg, ha insaquantas scenas luccas ed insaquantas plain tensiun. Il toc vegn preschentà en in edifizi d’industria cun in palc. Differentas crisas sco quella da corona u la guerra en l’Ucraina vegnan er tematisadas en il toc. La finamira è da mussar ch'il Puschlav dal 1987 è en ina moda sco il mund dad oz.
