Las regenzas dal Grischun ed il Vorarlberg èn s'inscuntradas mardi en il Palaz Liechtenstein per collavurar pli stretg, scriva il post da pressa Vorarlberg. En il focus eran surtut dumondas pervia da l'energia, en spezial las mesiras per rinforzar la segirezza da provediment da gas ed electricitad, rapportan ils presidents da las regenzas Marcus Caduff dal Grischun e Markus Wallner dal Vorarlberg.
Plinavant vegniva discutà davart iniziativas da traffic sur il cunfin. Quai sin las vias sco er sin binaris. Per exempel haja la colliaziun da l'autostrada en Svizra ch'è planisada sco levgiament tenor Wallner pli auta prioritad.
Il barat sur ils cunfins en il rom da scuntradas bilateralas regularas saja d’avantatg per omaduas varts, han confermà ils dus schefs da las regenzas Wallner e Caduff.
