I na dovria betg ulteriurs instruments per cuntanscher las finamiras da la lescha d'energia grischuna d'energia. Il consum d'energia saja sbassà levet sco er las emissiuns da CO2, scriva il chantun Grischun en ina communicaziun a las medias.
En il sectur d'edifizis èn las finamiras da reducziun e substituziun vegnidas cuntanschidas. En ils ultims onns sajan exclusivamain sistems d'energia regenerabla vegnids installads per stgaudar. Cun las contribuziuns dal Green Deal saja quai pli attractiv per possessuras e possessurs.
Dentant mussa il rapport davart il monitoring d'energia 2019-2022 er che 54% da l'energia consumada vegn or da funtaunas fossilas. Dal 2021 sin il 2022 è plinavant il basegn d'ieli puspè creschì. Il total consum d'energia è er mo sa sminuì levet, ed il consum d'electricitad è plitost vi da crescher tenor il rapport. El è dentant en il rom da las finamiras dal chantun per il 2035 (sut 2'000 uras gigawatt).