Siglir tar il cuntegn

Header

cuntegn

Engiadina Bassa e Val Müstair Regiun turistica duai daventar pli persistenta

La destinaziun turistica da l'Engiadina Bassa e la Val Müstair ha fundà in cussegl da persistenza. Part dal cussegl fan 20 persunas da las vischnancas, hotellaria, agricultura e autras organisaziuns localas.

Il cussegl è vegnì fundà en connex cun la uschenumnada «Tour-Cert», ch'accumpogna destinaziuns sin via en direcziun da dapli persistenza. Il cussegl da persistenza ha survegnì l'incumbensa da planisar diversas mesiras e projects per quest intent. Sper la organisaziun turistica ed ils partenaris turistics duai il cussegl da persistenza furmar la terza impurtanta pitga per la via tar in turissem persistent en la regiun.

Durant las emprimas duas sesidas dal cussegl saja vegnì tschentar il crap da fundament per in program da megliuraziun. I saja sa mussà che i dettia cunzunt potenzial tar las chadainas da valurisaziun localas, l'attractivitad dal lieu e dals emploiaders, tar la mobilitad e tar il diever da resursas.

La destinaziun turistica avess da survegnir il certificat la stad e fiss lura l'emprima destinaziun Svizra cun quest label da persistenza.

audio
Per tedlar curt e cumpact
aus Novitads vom 25.02.2022.
abspielen. Laufzeit 51 Sekunden.

RTR novitads 11:00

Artitgels legids il pli savens

Scrollar a sanestra Scrollar a dretga