10'000 francs - Bieraria Tschlin survegn «Grand Prix Bio Suisse» - Novitads

10'000 francs Bieraria Tschlin survegn «Grand Prix Bio Suisse»

Innovativ, persistent e regiunal, per quests motivs survegn la Bieraria Tschlin SA il premi ch'è dotà cun 10’000 francs

Autur: Georg Luzzi

Legenda: Reto Rauch (mainagestiun Bieraria), Fritz Schneider (president da la giuria), Andrea Gilli (president Bieraria) e Fadri Riatsch (commember dal cussegl administrativ da la Bieraria Tschlin SA). (da san.) MAD, Reto Rauch

La Bieraria Tschlin SA producescha biera 100% biologica. Ensemen cun partenaris da la Val Müstair u da la Val Puschlav han els realisà diversas bieras regiunalas.

Finamira – biera grischuna

Ensemen cun Biogrischun, cun il Plantahof e cun ulteriurs producents biologics prevesan ins da realisar in implant per producir virtit (Hopfen), quai cun la finamira da pudair lura vender biera dal tuttafatg grischunaisa.

Il premi vegn surdà ina giada l’onn a projects innovativs, persistents en la branscha da bio en Svizra. Il premi è dotà cun 10’000 francs. La giuria valitescha oravant tut l'innovaziun, l'utilisaziun regiunala ed ecologica ed era las schanzas dal product sin il martgà en avegnir.

audio

Per tadlar: Las novitads da las 18:00

05:40 min, Novitads dals 13.11.2019.

laschar ir. Durada: 05:40 minutas.

RR novitads 17:00