Experientscha politica aveva Daniel Högger gia abundanza, dapi 12 onns è el stat en il cussegl communal. Dapi 100 dis maina el però la vischnanca da Samignun. Grazia ad in team professiunal sa chattia el fitg bain in quella carica, uschè Daniel Högger. Ils emprims dis en stads intensivs, oravant tut bler da studegiar.
Dus temas centrals actualmain
Samignun prevesa da construir ina nova telecabina sin la regiun da skis. Els prevesan da pudair cumenzar a fabritgar a partir dal proxim onn, sche tut va bain. Plinavant è il president communal vidlonder a preparar il preventiv 2024, ina lavur intensiva.
Actualmain lavura Daniel Högger bunamain 50% tar la vischnanca e radund 70% sco manader da las butias sport e moda Zegg. Daniel Högger è elegì sco president communal per il temp d’uffizi fin la fin dal 2024.
