Cun la derniera dal venderdi passà dal teater «Tredeschin Retg» – ch'è vegnì mussà en il rom da las festivitads per 100 onns Lia Rumantscha – va a fin ina collavuraziun dad acturs e musicists ch'èn creschids ensemen ils davos mais ad ina nova famiglia.
La pli veglia actura sin il palc a Zuoz è stada Anny Weiler. La dunna da 74 onns che ha entusiasmà il public cun ina interpretaziun persunala d’in classicher da jazz, sa legra uss da pudair turnar puspè a Turitg.
Per mai è quest temp en Engiadina er stà bun per prender cumià dal quel lieu, nua che jau hai mias ragischs
Uss ch’il temp da Tredeschin Retg è a fin, daventia ella er in pau emoziunala, agiunscha la Samedrina. La collavuraziun entaifer ils collegas saja stada exemplarica e fitg cordiala. Anny Weiler sezza na saveva betg s'imaginar precis, tge teater ch’i duess dar a la fin. Il script ch’ils acturs avevan survegnì era scrit en tudestg.
L’interpretaziun da l’istorgia saja pir sa sviluppada cun exercitar ed improvisar. Dal product final è Anny Weiler dentant fitg superbia. Uss possia ella sa deditgar plainamain a ses nov toc da teater per l’october – ina istorgia fitg persunala, tradescha l’actura e chantadura tut cuntenta.
RR live da Zuoz 15:00