yoga è sia paschiun. Perquai ha Anna Mazzina Andry da Zuoz fatg la scolaziun da yoga en Tailanda e maina dapi plirs onns differents curs da yoga. Durant il festival da 100 onns Lia Rumantscha instruescha ella perfin yoga en Rumantsch. E quai saja ina colliaziun fitg speziala.
Il Salid dal sulegl e la muntogna
Cumenzà a dar uras da yoga en Rumantsch ha ella cun confamigliars ed amis. Durant quellas lecziuns ha ella spert badà, ch’igl è pli simpel d’instruir en la lingua materna er sch'i saja spezial a duvrar ils pleds tecnics sco «il salid dal sulegl» e «la muntogna» al cumenzament. Ma tenor la giuvna da 21 onns è quai be in adis. Suenter instruir in temp be en englais saja er curius da sentir ils pleds tudestgs.
Emprender rumantsch cun il curs da yoga
Al curs da yoga en rumantsch sa participeschan er persunas betg rumantschas. Per ellas saja il curs da yoga il medem mument er in curs da rumantsch, nua ch'els emprendian pleds novs sco las parts dal corp. Quai fa er plaschair ad Anna Mazzina Andry. Ed er sch'ella banduna sia patria vers l'Engalterra vul ella adina puspè turnar en Engiadina per dar uras da yoga en rumantsch.
RR live da Zuoz 14:00
