Siglir tar il cuntegn

Header

Maria Sedlacek ed Annalea Stuppan durant il discurs.
Legenda: Maria Sedlacek ed Annalea Stuppan durant il discurs. RTR, Georg Luzzi
cuntegn

100 onns Lia Rumantscha «No future» per la Rumantschia

La migraziun e la responsabladad da mintgin èn facturs impurtants per mantegnair il rumantsch.

Maria Sedlacek vesa oravant tut la collavuraziun sco gronda sfida. Ina regiun sto lavurar ensemen e betg far dispitas in tranter l’auter. Be cun ina buna collavuraziun tranter ils partenaris pertutgads, chattian ins bunas e durablas soluziuns per mantegnair il rumantsch. E lura ston ins era empruvar da chattar bunas soluziuns – per che tut quellas persunas che vegnan a viver in regiuns rumantschas.

Maria Sedlacek ed Annalea Stuppan

Personen-Box aufklappenPersonen-Box zuklappen

Maria Sedlacek abita a Sent ed è stada engaschada blers onns sco presidenta da l’Uniun dals Grischs, ed era suprastanta da la Lia Rumantscha.

Annalea Stuppan è manadra da scola a Valsot. Ella è en la suprastanza da la Conferenza Ladina, ed era stada trais onns en la suprastanza da l’Uniun dals Grischs.

Annalea Stuppan giavischa en l'avegnir da betg mo reagir, ma da «agir». L’encletga da tuts ensemen sto esser avant maun per pudair realisar projects constructivs – e quella encletga, quellas structuras manchian.

La rolla da la Lia Rumantscha

Tenor Maria Sedlacek duess la Lia Rumantscha esser il tetg dal rumantsch. Discussiuns e dispitas tutgian tiers, ma per l'avegnir saja fitg impurtant da reunir la Rumantschia – be ensemen vegnian ins ad esser ferm.

Per Annalea Stuppan duess la Lia Rumantscha avair in meglier contact tranter l’instituziun e la populaziun. Mintgin duess avair il curaschi da dir l’opiniun persunala.

RR actualitad 07:00