Durant otg sairas dal festival vegn preschentà «Tredeschin Retg», in teater scrit aposta per il giubileum da Tim Krohn, Göri Klainguti, Fabiola Carigiet e Rut Plouda.
Ins dastga spetgar in toc cun bleras colurs; cun musica, saut e teater.
Il toc da teater vul scuvrir l'istorgia davos l'istorgia. Quai cun dumondas sco: Tgi è Tredeschin propi stà? Ston ins esser in retg per chattar la fortuna? E tge di la princessa da tut quai?
Legenda:
Las provas per il teater «Tredeschin Retg»
Da sanester: Anny Weiler, Annina Sedlacek, David Flepp, Lorenzo Polin; davosvart: Ivo Bärtsch.
MAD, Lia Rumantscha
Ma il cuntegn ed era la culissa vuless trair parallelas cun l'identitad d'esser rumantsch u rumantscha. Uschia è il maletg da tribuna bajegiads si sco ina bartga. Pia vegnan ils acturs ed ils aspectaturs a seser ensemen en ina bartga durant il viadi da Tredeschin Retg.
Il toc è variant. Per part cun dialogs svelts e divertents ma era cun discurs reflexivs, en ils quals l'identitad rumantscha vegn tematisada.
Ord l'archiv
video
Svizra Rumantscha – «Tredeschin»
Or da L’archivar recumonda dals 27.01.1985.
laschar ir. Durada: 30 minutas 29 Secundas.
RR actualitad 12:00