Siglir tar il cuntegn

Header

Staziun da Cuira cun in trnn nov
Legenda: Ils trens da la damaun e la saira èn cunzunt impurtants per ils pendularis. Keystone
cuntegn

100 onns viafier en Engiadina La lingia da Bever a Scuol-Tarasp oz

Sin la lingia da l’Engiadina curseschan blers trens regiunals, per part schizunt mintg’ura.

Il vitget da Madulain
Legenda: A Madulain para il tren dad ir tras las vias dal vitg. swiss-image.ch

Sin la lingia da l’Engiadina curseschan blers trens regiunals, per part schizunt mintg’ura. Sin la part tranter Veraina e Bever datti pliras giadas al di il tren che sa numna “Engadin-Star”. Quest tren è impurtant per la colliaziun da la regiun da Landquart cun l’Engiadina; quai cunzunt pil turissem ma era per ils pendularis.

Regularmain curseschan durant l’emna plirs trens da martganzia a Scuol-Tarasp u da Landquart via Zernez a Samedan. Blers trens da rauba van tras il tunnel dal Veraina en l’Engiadina e betg sin la lingia da l’Alvra, perquai ch’ins è pli spert.

La locomotiva da giubileum

La locomotvia da giubileum Ge 4/ II 620 "Zernez" cun la designaziun "100 onns Bever-Scuol"
Legenda: La locomotvia da giubileum Ge 4/ II 620 "Zernez" cun la designaziun "100 onns Bever-Scuol". mad

Ils 23 d’avrigl 2013 han il directur da la Viafier retica, Hans Amacker ed Urs Wohler, il directur da Turissem Engiadina Scuol Samignun Val Müstair SA preschentà a Cuira la locomotiva da giubileum Ge 4/4 II 620 „Zernez“ cun la designaziun “100 onns Bever-Scuol”. La gronda festa è ils 29 e 30 da fanadur 2013 a Bever, Zuoz, Lavin e Scuol. La populaziun po sa legrar d’in program da festa varià plain activitads. Tranter questas activitads èn concerts cun ils “Fränzlis da Tschlin” e differentas viafiers d’aventura mainan ils visitaders dad in lieu al auter. Plinavant porscha la Viafier retica durant questa fin d’emna bigliets da return per il pretsch da bigliets simpels.

Artitgels legids il pli savens

Scrollar a sanestra Scrollar a dretga