Siglir tar il cuntegn

Engiadina 14’740 francs per la classa da sport da l’Institut autalpin Ftan

Tras ina cursa d’orientaziun da benefizi ha la classa da sport da l’Institut autalpin Ftan survegnì 14’740 francs. Quella donaziun è vegnida da la cassa da sanadad EGK. «Run for HIF», uschia sa numna quell’acziun. Per mintga currider hai dà 22 francs. En tut èn stads a la partenza 670 curriders.

Muriel Hüberli, manadra classa da sport e Reto Flury, manader da gestiun EGK tar la surdada dal check.
Legenda: Muriel Hüberli, manadra classa da sport e Reto Flury, manader da gestiun EGK tar la surdada dal check. RTR, Reto Mayer

La cursà è vegnida fatga en connex cun il campiunadi mundial da cursas d’orientaziun da juniors a Scuol. Ils 670 curriders èn sa participads en differentas categorias da vegliadetgna sco er en differentas distanzas dals trajects. La pli lunga cursa è stada 3,9 kilometers cun 15 posts.

In post da la cursa d'orientaziun en il guaud sur Ftan.
Legenda: In post da la cursa d'orientaziun en il guaud sur Ftan. RTR, Reto Mayer
Arrivada da la cursa d'orientaziun da benefizi a Ftan.
Legenda: Arrivada da la cursa d'orientaziun da benefizi a Ftan. RTR, Reto Mayer