Siglir tar il cuntegn

Header

audio
Basilea Tattoo: 25 engiadinais han fatg il viadi fin al 15. Basilea Tattoo 2022
Or da Actualitad dals 18.07.2022.
laschar ir. Durada: 3 minutas 52 Secundas.
cuntegn

15. Basilea Tattoo 2022 In event per l’egl e per l’ureglia

Da cornamusa enfin ghitarra electrica. Furmaziuns e bands da tut il mund sa preschentan opticamain e musicalmain a moda perfetga. Dals 15 fin 23 da fanadur 2022 è la 15avla occurenza da cornamusa, musica instrumentala e saut folcloristic a Basilea, il Basilea Tattoo.

Era l’Engiadina Bassa ha fatg in viadi vers il tradiziunal Tattoo a Basilea. Abitantas ed abitants han profità dad ina purschida dad ir cul bus per visitar quest event. E nus avain accumpagnà els.

Prominenza internaziunala

Las aspectativas eran grondas ed ellas èn era vegnidas accumplidas. Cun musica da recruts da la Norvegia, ina musica ordvart agila e divertenta da l’India, ma era bands da l’Engalterra e da l'America èn stadas preschentas. Fascinà han las choreografias e la precisiun enorma da la United States Air Force Honor Guard, cun lur schluppets.

Per in ambient spezial han procurà il chantadur e musicist Cameron Barnes da la Scozia e la gruppa enconuschenta Red Hot Chilli Pipers.

La pel-gaglina fan ils Red Hot Chilli Pipers, quai èn mes favorits.
Autur: Erich Pfranger Visitader da l'Engiadina Bassa

Er ils Svizzers n'han betg mancà

Ma i na dat nagin Basilea Tattoo senza la preschientscha Svizra, la «Swiss Army Central Band» e natiralmain «Top Secret» cun lur tamburs han procurà per muments musicals che han fatg vegnir la pel-giaglina.

Malgrà las chaliras han ils radund 25 Engiadinais ed Engiadinaisas fatg il lung viadi en la citad da Basilea, giudì l’event e natiralmain era la bella saira en cumpagnia.

RTR actualitad 17:00

Artitgels legids il pli savens

Scrollar a sanestra Scrollar a dretga