Siglir tar il cuntegn

Header

video
Il Giro d'Italia vegn en Val Müstair
Or da Telesguard dals 15.05.2024.
laschar ir. Durada: 2 minutas 50 Secundas.
cuntegn

16avla etappa Giro d'Italia sviescha sur Val Müstair

Causa da privel da lavinas sin il traject original vegn il Giro d’Italia svià la cursa en Svizra.

La 16avla etappa dal Giro d'Italia dueva manar oriundamain sur il pass dal Stelvio en il Tirol dal Sid, dentant regna privel da lavinas sin parts dal pass. Uss duai la lingia dal traject purtar ils velocipedists sur il pass da l’Umbrail en Val Müstair e da là vinavant en il Tirol dal Sid. La lunghezza da l'etappa è sa midada marginalmain da 202 kilometers sin 206 kilometers.

audio
Giro d'Italia sviescha sur Val Müstair
ord Actualitad dals 15.05.2024. Maletg: RTR
laschar ir. Durada: 2 minutas 40 Secundas.

Vias serradas

Tenor communicaziun da la Polizia chantunala dal Grischun stoppia la via principala da Sta. Maria fin al cunfin svizzer vegnir serrada. Quai pervi da motivs da segirtad da la cursa da velos en la Val Müstair. La bloccada da via duai durar da mardi ils 21.05.2024 da las 12:30 fin previsiblamain las 14:30.

Il pass da l’Umbrail, ch'è anc adina serrà d’enviern, duai vegnir avert aposta per il Giro d’Italia e na possia betg vegnir utilisà dad auters participants da traffic.

RTR actualitad 17:00

Artitgels legids il pli savens