I na sa tractia betg d'ina scursanida da la paja per il president futur, ha declerà il suprastant Michael Pfäffli tar la segunda lectura dal preventiv 2019. I sa tractia d'ina definiziun tenor classa da paja, vegliadetgna ed experientscha da lavur. Il president actual gudogna radund 230'000 francs.
Scursanida pli pitschna che pretendì da la PCD
Cunquai vegn la paja scursanida per pli pauc che pretendì tar l'emprima lectura dal preventiv 2019. La fracziun da la PCD aveva pretendì da scursanir la paja dal president communal per 50'000 francs.
En pli ha Michael Pfäffli declerà ch'ils suprastants da San Murezzan gudognan radund 40'000 francs inclusiv spaisas tar in pensum da circa 30%.
L'ultim pled en chapitel ha la radunanza communala che decida ils 11 da december davart il preventiv 2019 per la vischnanca da San Murezzan.
RR novitads 22:00
