En la Val Müstair ha il luf stgarpà 2 agnels, 2 nursas e ferì ina nursa fermamain. Ils purs da nursas han stuì prender mesiras per evitar ulteriuras attatgas.
Il guardiaselvaschina da la Val Müstair ha prendì provas da DNA per analisar, sch'i sa tracta adina dal medem luf u sch'i sa tracta da differents. Duas femellas cun il num F18 e F27 èn fin oz vegnidas confermadas en la regiun. Quellas avevan stgarpà nursas durant la stad passada. Sch'i sa tracta era en ils ultims cas da las 2 femellas surmenziunadas vegnan las analisas da DNA pir a mussar.
4 lufs èn pussaivels
Per il guardiaselvaschina èsi cler, 2 luffas sajan cleramain confermadas, ulteriurs lufs sajan però vegnids observads. Per il mument na restia dentant nagut auter che da spetgar ils resultats da las provas da DNA.
RR actualitad 07:00