Siglir tar il cuntegn

Engiadina 20 onns chascharia d'alp Morteratsch cun attracziun animalica

La chascharia d'alp Morteratsch a Puntraschigna elavura dapi 20 onns latg da differentas alps en Engiadin'Ota. Questa fin d'emna envida ella perquai ad ina gronda festa da giubileum cun moderaziun da Claudio Zuccolini e cursas da portgs – betg indigens, ma che èn disads da currer.

Sis cursas al di cun mintga giada in final, han lieu questa sonda e dumengia gista sper la tegia da la chascharia d'alp Morteratsch. Ils 15 portgs, las damas pincas, curran radund 80 meters. Per questas cursas èn ils portgs vegnids transportads aposta da la Turgovia en Engiadin'Ota. Hans e Susanne Milz, ils possessurs dals portgs fan da questas cursas a moda professiunala.

Magliar en l'arriv

Ils portgs dattan tut per vegnir en l'arriv. Là spetga numnadamain il latg per ils animals. Il tric è tenor Hans Milz da betg pavlar regularmain ils portgs, mabain en etappas.

Ils atlets èn

  • Mo femnas - ellas vegnian ora meglier ina cun l'autra ed han betg fadia cun ina tschinta enturn il venter
  • radund 50 kilos grevs
  • fin 70 kilos rivan els da currer
  • cumenzà han els cun 25 kilos

RR actualitad 11:00