Ins haja fatg bunas experientschas, di Carola Bezzola dal cussegl da la butia dal mund. Suenter la parada vendan’ins uschè bler sco pussaivel, il rest vegn tramess enavos. La butia dal mund a Puntraschigna ha numnadamain mo ina pitschna collecziun da moda. Ina parada sco questa gida dentant mintga giada da sensibilisar da nov persunas per products da fair trade.
audio
Saira: 25 onns butia dal mund a Puntraschigna
ord Actualitad dals 02.10.2015.
laschar ir. Durada: 2 minutas 45 Secundas.Per in meglier mund
Avant 25 onns è la butia vegnida fundada cun l’idea da far insatge per la pasch dal mund. E quai gartegia fin ad in tschert punct, di Bezzola. Ins haja gia vendì products per blers milli francs e quels vegnan da bun a quellas persunas che han da basegn.
La parada da moda ha lieu venderdi saira las 17:00 en il center da congress Rondo a Puntraschigna.