Er sch'ils giasts studegian vi da vacanzas d’atun e betg propi vid vacanzas da skis han ins tuttina gia vendì 3’000 dis da skis. Il CEO da Engadin Mountains AG, Markus Meili e cuntent. Il sistem funcziuna, la reclama è lantschada oravant tut per giasts svizzers, talians e da la Germania.
3 facturs fan il pretsch
Per mintga di e fixà in pretsch da basa. È la dumonda per in di da skis pli gronda lura s’augmenta era il pretsch quel di ed il terz factur, pli baud ch'il giast reserva sia carta da skis e pli bunmartgada vegn ella.
Nagin pretsch fix
Las pendicularas Corviglia, Corvatsch/Furtschellas, Diavolezza/Lagalb e Zuoz sa participeschan a quest nov model d’empustar cartas da skis, ch' è vegni lantschà il prim da settember. Tenor las pendicularas è quest in basegn dals giasts, che vulan sez decider quant pajar per ir culs skis.
RR novitads 12:00