Il mais da fanadur 2015 ha la Clozza, la val che passa tras Scuol, chaschunà gronds donns. Ussa bunamain trais onns pli tard ha il project da protecziun pudì vegnir preschentà a la radunanza communala. Quella ha approvà cun gronda maioritad il credit per mauns da la votaziun a l’urna dals 10 da zercladur 2018.
In grond batschigl da tschiffada
En il center dal project stat il batschigl da tschiffada che retegna 12’000 meter cubic material. Sper quai vegn fatg per lung da la Clozza mirs ed indriz da protecziun uschia che quella val na po betg pli ir suraora. Sch'il suveran di gea duess il batschigl da tschiffada vegnir fabritgà anc quest onn, las mesiras per lung la Clozza l'onn che vegn. Dals custs totals da 3,4 milliuns surpiglia il chantun e la Confederaziun 55 %.
RR novitads 06:00