Siglir tar il cuntegn

Engiadina 3 accidents alpins cun 2 morts

La dumengia hai dà en il massiv dal Piz Bernina 3 accidents, quai communitgescha la polizia chantunala.

Alpinists sin la via al Piz Palü.
Legenda: Ils dus alpinists al Piz Palü han gì cletg en il discletg (maletg simbolic). Keystone

La Polizia chantunala ha infurmà davart ils 3 accidents da la dumengia passada:

  • Al Piz Roseg èn 2 umens tudestgs da 40 e 45 onns crudads e morts. Els sa chattavan en in’autezza da 3000 m s.m. en la paraid nordost.
  • En la vischinanza da la Fuorcla Prievlusa è ina dunna da 37 onns glischnada e crudada radund 100 meters giuadora. Ella è sa blessada grevamain. La Rega ha sgulà la dunna en l'ospital chantunal a Cuira.
  • Al Piz Palü èn dus alpinists talians vegnids en difficultads. Vers saira han els dà alarm ed enturn las 19.00 ha in helicopter da la «Heli Bernina» pudì salvar ils dus alpinists. Els n'han naginas blessuras.

RR novitads 10:00