Ils Svizzers ed ils Austriacs organiseschan gronds eveniments en la regiun da skis Ischgl/Samingun. Ils events ad Idalp, sin territori da l'Austria, èn in zichel pli gronds. Là sa participeschan stars sco Tina Turner, Mariah Carey, ma era Michael Jackson è gia passà si. Quest’onn arriva la chantadura Helene Fischer ed ins spetga passa 20’000 persunas.
Ma era l’event Svizzer sin Alp Trida attira mintg’onn radund 8'000 fin 10’000 persunas. Anastasia, Unheilig, Gotthard, Cro e quest’onn la gruppa englaisa Bastille.
30 onns giubileum
La finamira dal eveniment è d’attrair anc ina giada giasts ed indigens sin la pista. Il concept para d’avair success, la regiun da skis ed era ils hotels a Samignun vegnan emplenids. L’event è enconuschent, la reclama funcziuna per gronda part da bucca a bucca. Quella funcziuna mo sch’ins resta consequent sur decennis e sch’ins organisescha mintg’onn l’event cun enconuschentas chantaduras e chantadurs internaziunals.
La festa da primavaira sin Alp Trida, sin radund 2000 meters sur mar, è ultra da quai era ina buna reclama per attrair giasts per la proxima stagiun d’enviern, da quai è il vicedirectur e manader communicaziun Niculin Meyer persvadì.
RR novitads 12:00