Cun radund 3 meters diameter è il tschess barbet il pli grond uschè da las Alps. Cun ils trais utschels Settschient, Margunet e Moische ha cumenzà avant 30 onns in'istorgia da success – actualmain vivan passa 300 tschess barbets en las Alps.
Oz vivan quatter pèrins en il Parc Naziunal Svizzer e radund 23 pèrins tranter il Grischun ed il cunfin cun l’Italia. Il project da reintroducir il tschess barbet n’è betg a fin. Il problem è la basa genetica, sumegliant a la situaziun dal capricorn en las Alps.
La reintroducziun è stada ina sensaziun mediala per il Parc Naziunal Svizzer. Il tschess barbet ha survegnì blers fans e blera simpatia – oz è il pli grond utschè da las alps ina sort simbol per il Parc Naziunal Svizzer, di il pledader Hans Lozza.
Dapi il 2015 vegnan mess en libertad ils tschess barbets en Svizra oravant tut sin il Heustock sper Melchsee-Frutt en il chantun Sursilvania.
