34-avel Openair Chapella cun nov motto

« Echt bewegend » sut quest motto ha l’openair Chapella lieu a partir da quest onn. Ins haja vuli insatge nov, frestg che cuntegna tut quai che fa or l’openair Chapella, ha ditg Larissa Wingeyer dal comité d’organisaziun.

Flyers openair Chapella Bild in Lightbox öffnen.

Legenda da maletgs: Il pli vegl openair dal Grischun ha lieu per la 34-avla giada mad

Fin sin il kiosc che è quest onn sin in prà plat, enstagl che en la costa, sa mida nagut tal pli vegl openair dal Grischun. Quella glieud che vegn mintg’onn è cuntenta e na vul nagut auter di Larissa.

«Daco midar insatge sche la glieud na vuless betg»

Bands svizras e rumantschas

Tut ils acts che sunan a la 34-avla ediziun dal openair Chapella èn svizras e sco adina era ina ni l’autra band indigena, rumantscha.

Puncts culminants pudessan esser Carrousel, ni Fusion Square Garden e channelsix. Quai che fa dentant era or l’openair a Chapella è che las bands èn savens betg enconuschentas. Fan surstar tant dapli, uschia Larissa Wingeyer. Per exempel haja 77Bombaystreet sunà sin il palc da Chapella avant ch’els eran enconuschent sin tut il mund.

Logo openair Chapella Avrir maletg en lightbox.

Legenda da maletgs: Chapella quest onn cun in nov logo mad